ڈاکٹر ذاکر نائیک دریائے نیل میں کود گئے، ویڈیو وائرل

معروف مذہبی اسکالر ڈاکٹر ذاکر نائیک کی افریقی ملک یوگنڈا میں واقع دریائے نیل میں چھلانگ لگانے کی تصاویر اور ویڈیوز سوشل میڈیا پر وائرل ہوگئیں۔

ذاکر نائیک نے سیر سپاٹوں کے دوران دریائے نیل میں تیراکی کرنے اور 165 فٹ کی بلندی سے چھلانگ لگائی جو مداحوں کی توجہ کا مرکز بن گئی۔

ذاکر نائیک آج کل یوگنڈا کے سرکاری دورے پر ہیں، جہاں وہ مختلف شہروں میں مذہبی اجتماعات و تقریبات سے خطاب کریں گے۔

ڈاکٹر ذاکر نائیک کو اعزازی ڈگری دینے پر جامعہ کراچی کے سنڈیکیٹ اراکین کی مخالفت

ذاکر نائیک نے اپنے سوشل میڈیا اکاؤنٹس پر یوگنڈا کے سرکاری دورے کی تصاویر اور ویڈیوز شیئر کیں، جہاں انہیں مکمل پروٹوکول کیساتھ سخت سیکیورٹی کے حصار میں ایک جگہ سے دوسری جگہ لے جایا گیا۔

ڈاکٹر ذاکر نے بیٹے اور اپنے اسٹاف کے ہمراہ تاریخی دریائے نیل میں تیراکی کرنے اور اسی دریا کے کنارے واقع سیاحتی مقام پر چھلانگ لگانے کی ویڈیوز اور تصاویر بھی شیئر کیں۔