بالی ووڈ کی خوبرو اور باصلاحیت اداکارہ تبو بلاک بسڑ فلم ”ہیرا پھیری“ کے بعد ایک مرتبہ پھر اکشے کمار کے ساتھ بڑی اسکرین پر جلوہ گر ہوں گی۔
بھارتی میڈیا کے مطابق اکشے کمار اور پریہ درشن 13 سال بعد بھوت بنگلہ نامی ہارر کامیڈی فلم کیلئے دوبارہ اکٹھے ہو رہے ہیں اور اب پریا درشن نے پروڈیوسر ایکتا کپور کے ساتھ مل کر اس کی کاسٹ میں تبو کو بھی شامل کر لیا ہے جو فلم میں ایک کلیدی کردار ادا کررہی ہیں۔ تبو 15 سال بعد اکشے کے ساتھ دوبارہ اسکرین پر نظر آئیں گی۔
گووندا کا بیٹا فلموں میں انٹری کے لیے تیار
بھارتی رپورٹ میں کہا گیا پے کہ تبو نے اکشے کمار کے ساتھ بھوت بنگلہ کے ایک کلیدی کردار کیلئے فلم کو سائن کیا ہے تاہم کردار کے بارے میں تفصیلات تاحال فراہم نہیں کی گئیں۔
یاد رہے کہ بھوت بنگلہ 2026 کافلم بینوں کو شدت سے انتظار ہے جس میں اکشے کمار، تبو، پریش راول، ومیکا گبی، راجپال یادیو، اور اسرانی خوف میں ہنسی کا تڑکا لگائیں گے۔
سنجے دت کی سابقہ اہلیہ اب کس حال میں ہیں؟
فلم کی شوٹنگ ابھی جاری ہے۔ تاہم کہا جارہا ہے کہ بھارتی فلم انڈسٹری کے مزید نامور فنکاروں کو بھوت بنگلہ میں شامل کیا جائے گا۔ امید کی جارہی ہے کہ بھوت بنگلہ 2 اپریل 2026 کو بھارتی سنیما گھروں میں نمائش کیلئے پیش کی جائے گی۔
