اسپیکر قومی اسمبلی ایاز صادق اور پاکستان تحریک انصاف کے مرکزی رہنما اسد قیصر کے درمیان گذشتہ روز ہونے والی ملاقات کی اندرونی کہانی سامنے آئی ہے۔
اسپیکر قومی اسمبلی سردار ایاز صادق اور پی ٹی آئی رہنما اسد قیصر کے درمیان ملاقات میں ملکی مفاد میں بات چیت پر زور دیا گیا۔
اسپیکر نے پی ٹی آئی رہنما کو کہا کہ آپ اپنی جماعت میں سخت گیر مؤقف رکھنے والوں کو سمجھائیں، میں اپنے رہنمائوں سے بات کروں گا، جس پر اسد قیصر نے کہا کہ پارٹی اجلاس میں اس پر مشاورت کریں گے۔
**عمران خان نے حکومت سے مذاکرات کیلئے کمیٹی بنا دی، عمر ایوب**
ملاقات کے دوران دونوں رہنماؤں نے مذاکرات کے عمل کو شفاف انداز سے آگے بڑھانے پر اتفاق کیا۔
مذاکرات اچھی بات ہیں مگر عمران خان کی گارنٹی کون دے گا، خواجہ آصف
واضح رہے کہ گزشتہ روز پی ٹی آئی وفد کی اسپیکر سے ملاقات ہوئی تھی، جس میں مذاکرات کے لیے پارلیمنٹ کا فورم استعمال کرنے پر اتفاق ہوا ہے، تاہم وزیر اطلاعات عطا تارڈ نے پی ٹی آئی سے مذاکرات کی تردید کی تھی۔
