اکاؤنٹ میں کروڑوں روپے منتقل ہونے کے معاملے پر اداکارہ نادیہ حسین کی ایف آئی اے میں طلبی

اداکارہ نادیہ حسین کو ایف آئی اے نے طلب کر لیا، نادیہ حسین کو کال اپ نوٹس ان کے اکاونٹ میں شوہر کی جانب سے کروڑوں روپےمنتقل ہونے پرجاری کیا گیا ہے۔

کراچی میں اداکارہ نادیہ حسین کوایف آئی اے نے طلب کر لیا ہے، نادیہ حسین کو 14 اپریل کو ڈیڑھ بجے طلب کیا گیا۔

ایف آئی اے کے مطابق اکاؤنٹ میں شوہر نے کروڑوں روپے منتقل کیے، کروڑوں روپے کی منتقلی پر نوٹس دیا گیا۔

اداکارہ نادیہ حسین کے شوہرعاطف خان کے خلاف اربوں کی مبینہ کرپشن کا الزام ہے۔

واضح رہے کہ اس سے قبل پاکستان کے وفاقی تحقیقاتی ادارے (ایف آئی اے) نے ماڈل و اداکارہ نادیہ حسین کے خلاف سوشل میڈیا پر ایف آئی اے پر الزامات عائد کرنے پر دی پریوینشن آف الیکٹرانک کرائمز (پیکا) ایکٹ کے تحت تحقیقات کا آغاز کیا تھا۔

ایف آئی اے نے اداکارہ نادیہ حسین کے الزامات کو حقائق کے منافی قرار دیتے ہوئے کہا کہ الزامات ادارے کی ساکھ کو نقصان پہنچانے کی کوشش اور سنگین جرم ہے۔

ترجمان ایف آئی اے نے ادکارہ نادیہ حسین کے الزامات کوحقائق کےمنافی قرار دیتے ہوئے کہا کہ الزامات منظم ادارے کی ساکھ کونقصان پہنچانے کی کوشش اور سنگین جرم ہے۔

ایف آئی اے سائبر کرائم ونگ کراچی نے معاملے کا نوٹس لیتے ہوئے نادیہ حسین کے خلاف پیکا ایکٹ کے تحت باقاعدہ تحقیقات کا آغاز کیا۔