لاہور کی انسداد دہشت گردی کی عدالت نے پاکستان تحریک انصاف ( پی ٹی آئی ) کے وائس چیئرمین شاہ محمود قریشی اور سینیٹر اعجاز چوہدری سمیت 21 ملزمان پر ریس کورس کے مقدمے میں فرد جرم عائد کردی۔
سانحہ 9 مئی سے متعلق منصوبہ بندی کے الزام میں ریس کورس کے مقدمے کا کوٹ لکھپت جیل لاہور میں ٹرائل جاری جاری ہے۔
انسداد دہشت گردی کی خصوصی عدالت کے جج نے ریس کورس کے مقدمے کے ٹرائل کی سماعت کی، اس دوران شاہ محمود قریشی اور اعجاز چوہدری پر فرد جرم عائد کی گئی۔
عدالت کی جانب سے مقدمے میں سابق گورنر عمر سرفراز چیمہ اور دیگر 21 ملزمان پر بھی فرد جرم عائد کی گئی۔
عدالت نے فرد جرم عائد کرنے کے بعد کیس کی آئندہ سماعت پر گواہان کو طلب کرلیا ہے۔
