معروف بھارتی اداکار نانا پاٹیکر 75 برس کی عمر میں انتقال کر گئے
گوا: بھارتی فلم انڈسٹری کے معروف اداکار نانا پاٹیکر 75 برس کی عمر میں انتقال کر گئے۔ بھارتی میڈیا کے مطابق نانا پاٹیکر کو جمعرات کی صبح گوا میں ان کی رہائش گاہ پر شدید دل کا دورہ پڑا، جس کے بعد انہیں فوری طور پر اسپتال منتقل کیا گیا، تاہم وہ جانبر نہ ہو سکے۔
اسپتال ذرائع کے مطابق نانا پاٹیکر کو صبح تقریباً 5 بج کر 20 منٹ پر مردہ قرار دیا گیا۔ ڈاکٹروں نے تقریباً 45 منٹ تک مسلسل سی پی آر کے ذریعے انہیں بچانے کی کوشش کی، تاہم ان کی حالت میں بہتری نہ آ سکی۔ اسپتال انتظامیہ کے مطابق واقعے کا میڈیکو لیگل کیس درج کر لیا گیا ہے اور پوسٹ مارٹم بھی کیا جائے گا۔
نانا پاٹیکر کے بیٹے ملہار پاٹیکر نے بھی اپنے والد کے انتقال کی تصدیق کی ہے۔ ان کے مطابق نانا پاٹیکر کی موت قدرتی وجوہات کے باعث ہوئی۔
نانا پاٹیکر کا شمار بھارتی سنیما کے منفرد اور باصلاحیت اداکاروں میں ہوتا تھا۔ انہوں نے ہندی اور مراٹھی فلموں میں کئی یادگار کردار ادا کیے۔ پریندا، کرانتی ویر، اب تک چھپن، سلام بمبئی اور ویلکم سمیت متعدد فلموں میں ان کی اداکاری کو ناظرین اور ناقدین نے سراہا۔
چار دہائیوں سے زائد عرصے پر محیط فلمی کیریئر کے دوران نانا پاٹیکر کو متعدد اعزازات سے نوازا گیا، جبکہ انہیں 2013 میں پدم شری بھی دیا گیا تھا۔
نانا پاٹیکر کے انتقال کی خبر سامنے آنے کے بعد بھارتی فلمی صنعت میں غم کی لہر دوڑ گئی ہے اور مداح و فنکار سوشل میڈیا پر انہیں خراجِ عقیدت پیش کر رہے ہیں
