ایران کے ”آپریشن وعدۂ حق سوم“ کے دوران داغے گئے ہائپرسانک میزائلوں نے اسرائیل کے جدید ترین دفاعی نظام کی قلعی کھول دی۔ عالمی دفاعی ماہرین کے مطابق اسرائیلی نظام ہائپرسانک میزائلوں کو روکنے کی صلاحیت ہی نہیں رکھتا، کیونکہ یہ سسٹمز آواز سے کم رفتار والے ہتھیاروں کے خلاف ڈیزائن کیے گئے تھے۔
ایرانی حملے کے دوران اسرائیلی شہروں پر میزائلوں کی بارش نے آئرن ڈوم، ڈیوڈ سلنگ اور ایرو میزائل ڈیفنس سسٹمز کو ناکام بنادیا۔
ماہرین کے مطابق آئرن ڈوم صرف قلیل فاصلے کے نان گائیڈڈ راکٹ اور چھوٹے ڈرونز کو روکنے کے لیے مؤثر ہے۔ اسی طرح ڈیوڈ سلنگ درمیانی رینج کے روایتی میزائلوں کے لیے کارآمد ہے مگر ہائپرسانک میزائلوں کے خلاف بے بس ہے۔ اور ایرو ڈیفنس سسٹم جس کے تین ورژن (ایرو 1، 2، اور 3) موجود ہیں، طویل فاصلے کے بیلسٹک میزائلوں کو روکنے کے لیے استعمال ہوتا ہے، لیکن اگر ایک ساتھ درجنوں میزائل داغے جائیں تو یہ نظام بیک وقت سب کو نشانہ نہیں بنا سکتا۔
ایران کا اسرائیل پر صبح سویرے بڑا حملہ، مزید 100 سے زائد میزائل داغ دئے، اب تک 14 اسرائیلی ہلاک اور 380 زخمی
ماہرین کا کہنا ہے کہ ایرانی ہائپرسانک میزائل اپنی رفتار اور پرواز کے منفرد انداز کی وجہ سے ناقابلِ شناخت رہتے ہیں۔ یہ آواز کی رفتار سے پانچ گنا تیز حرکت کرتے ہیں اور اپنے ہدف کی جانب ”گلائیڈ“ کرتے ہوئے راستہ تبدیل کرتے رہتے ہیں، جس سے انہیں ٹریک کرنا اور مارگرانا انتہائی مشکل ہو جاتا ہے۔
ایران کا واضح اعلان: حالتِ جنگ میں مذاکرات نہیں ہوں گے، ثالثوں کو پیغام، خلیجی اجلاس اور روس کی ثالثی کی پیشکش
دفاعی مبصرین نے یہ بھی کہا ہے کہ اسرائیلی نظام کی یہ کمزوریاں نہ صرف تکنیکی بلکہ اسٹریٹیجک سطح پر بھی تل ابیب کے لیے خطرے کی گھنٹی ہیں۔ ”وعدۂ حق سوم“ نے اسرائیلی عسکری برتری کے دعووں کو شدید دھچکا پہنچایا ہے، اور یہ پیغام دیا ہے کہ ہائپرسانک ٹیکنالوجی اب مشرقِ وسطیٰ میں طاقت کا توازن بدلنے کی صلاحیت رکھتی ہے
