پاکستانی اداکارہ کبریٰ خان اور گوہر رشید کی شادی کی تقریبات کاباقائدہ آغاز، ڈھولکی کی تصاویر سوشل میڈیا پر وائرل، نکاح مکہ مکرمہ میں ہوگا۔
اداکارہ کبریٰ خان اور گوہر رشید رواں ماہ شادی کے بندھن میں بندھنے جارہے ہیں، ان کی شادی کی تقریبات کا آغاز ڈھولکی نائٹ سے ہوا، کبریٰ اور گوہر کا نکاح مقدس شہر مکہ مکرمہ میں ہوگا لیکن ڈھولکی سمیت دیگر فنکشن پاکستان میں منعقد ہورہے ہیں جس میں پاکستانی فنکار بھرپور شرکت کریں گے۔
اداکار گوہر رشید نے فوٹو اینڈ ویڈیو شیئرنگ ایپ انسٹاگرام پر ڈھولکی نائٹ سے چند تصاویر بھی شیئر کیں جس میں دُلہن دُلہا سمیت مہمان خوب ہلا گلا کرتے نظر آئے۔
اداکارہ کبریٰ خان اور گوہر رشید کا شادی کا اعلان
کیا آپ جانتے ہیں کبریٰ خان کا اصل نام کیا ہے؟
تقریب کی مناسبت سے دُلہنیا کبریٰ خان نے پسٹل رنگ کی پشواس زیب تن کررکھی تھی جبکہ دُلہے راجا گوہر رشید نے بوٹل گرین کُرتا پاجامہ کے ساتھ سبز رنگ کی شال سے اپنے لک کو مکمل کیا۔
سوشل میڈیا فینز کی جانب سے جہاں ان تصاویر کو بے حد پسند کیا جارہا ہے وہیں کبریٰ خان کی تصاویر بھی شیئر کرنے کی درخواست کی جارہی ہے۔
پوسٹ کے کمنٹ سیکشن میں اداکار جوڑی کے مداح ان کی نئی زندگی کیلئے نیک خواہشات کا اظہار کر رہے ہیں۔
