پاکستان تحریک انصاف (پی ٹی آئی) کے چیئرمین بیرسٹر گوہر علی خان نے بانی پی ٹی آئی عمران خان کی بہن علیمہ خان کی جانب سے اُن کی رہائی کے دعوؤں کو مسترد کر دیا ہے۔
بیرسٹر گوہر نے نجی ٹی وی سے گفتگو میں کہا کہ علیمہ خان کی جانب سے حکومت اور اپنے مذاکرات کے بیان پر کہا کہ میرا 24 نومبر یا اس سے قبل حکومت سے کوئی رابطہ نہیں ہوا۔
بانی نے سول نافرمانی میں بھی بنی گالا کے بل بھرے ہیں، فیصل واوڈا
خیال رہے کہ علیمہ خان نے لاہور میں میڈیا سے گفتگو کرتے ہوئے کہا تھا کہ قافلے پہنچ گئے تو حکومت دباؤ کا شکار ہو گئی تھی، حکومت نے دباؤ میں آکر بیرسٹر گوہر کو عمران خان سے ملاقات کے لیے جیل بھجوایا اور کہا تھا انہیں 20 دن کے اندر رہا کردیا جائے گا۔
تمہاری نافرمانی کی ایسی کی تیسی، جو مرضی کرلو تمہاری دال نہیں گلنی، عطا تارڑ
جب بیرسٹر گوہر سے علیمہ خان کے اس بیان کے حوالے سے سوال کیا گیا تو بیرسٹر گوہر نے کہا کہ میں نے نہ تو رہائی سے متعلق کوئی بات کی نہ ذکر کیا، حکومت نے کبھی بھی بانی پی ٹی آئی کی 20 دن میں رہائی کا وعدہ نہیں کیا، دھرنا ختم کرنے کے بدلے بانی پی ٹی آئی کی 20 دن میں رہائی کی بات غلط ہے۔
