پاکستان شوبز سےوابستہ ٹیلنٹڈ اور خوبصورت ادا کارہ ماہرہ خان نے اپنی عمرظاہر کردی۔
حال ہی میں اداکارہ نے ایک پوڈ کاسٹ میں شرکت کرتے ہوئے کئی موضوعات پر اپنے خیالات کا اظہار کیا جس میں ذہنی صحت کا پہلو بھی شامل تھا۔
یہ ایک بیماری ہے، ماہرہ خان نے ڈپریشن کے بارے میں کھل کرکہہ دیا
دوران گفتگو ادا کارہ نے خود کے ذہنی مسائل کا شکار ہونے کا بھی انکشاف کیا۔ انہوں نے لوگوں کو مشورہ دیا کہ اگر انہیں ذہنی صحت سے متعلق کوئی بیماری لاحق ہے تو اسے ڈاکٹر کی خدمات حاصل کرنے میں دیر نہیں لگانی چاہیے اور نہ ہی کسی کی مدد لینے میں کسی قسم کی کوئی ہچکچاہٹ محسوس کرنی چاہیے۔
اس موقع پر اداکارہ نے اپنی عمر کا ذکر کرتے ہوئے کہا کہ میں جلد ہی 40 برس کی ہوجاوں گی لیکن میں آج بھی اس وقت کو یاد کرتی ہوں جب میں30 سال کی تھی۔
ان کا کہنا تھا کہ جب میں 30سال کی تھی تو مجھے اپنی صحت کا خیال رکھنا شروع کردینا چاہیے تھا۔
انہوں نے خواتین کو بھی مشورہ دیا کہ وہ اپنی صحت پر خاص توجہ دیں۔ اور اس کے لیے کوئی غفلت نہ برتیں۔
ماہرہ خان نے کہا کہ ہمارے معاشرے میں یہ آگاہی حاصل ہونی چاہیے کہ ڈپریشن شرمندگی نہیں بلکہ بیماری ہے جس کا علاج موجود ہے، اس کی ادویات ہیں اور اسے بہتر بنانے کے لیے ماہرین بھی دستیاب ہیں، اس لیے ہر کسی کو اس پر بات کرنی چاہیے۔
اداکارہ نے اعتراف کیا کہ جب ان کی دماغی حالت بہت زیادہ خراب تھی تو ادویات نے ہی ان کی سب سے زیادہ مدد کی، اس کے بعد رب سے تعلق اور دوستوں ، خاندان اور ان کے بیٹے اذلان کی مدد سے وہ ڈپریشن سے نکلنے میں کامیاب ہوئی۔
