اس موقع پر میڈیا سے گفتگو کرتے ہوئے ایاز لطیف پلیجو نے کہا کہ سندھ میں میرٹ، سندھ کی سالمیت، پانی کی قلت اور بڑھتی ہوئی بے قاعدگیوں پر پاکستان پیپلز پارٹی ٹھوس اور دو ٹوک موقف دے۔

ایاز لطیف پلیجو نے کہا کہ سندھ کے وسائل، روزگار، تعلیم، پانی اور اداروں کی شفافیت پر کوئی سودے بازی نہیں ہوگی۔ سندھ کی یونیورسٹیوں میں ہر سال جو لاکھوں طلبہ داخل ہوتے ہیں، ان میں سے تقریباً چالیس پچاس ہزار بے روزگار ہو جاتے ہیں۔ سندھ کی آبادی کے بڑے حصے کو معیاری تعلیم میسر نہیں۔ 45 فیصد بچے اسکول ہی نہیں جاتے۔ جو داخل ہوتے ہیں، ان میں سے صرف 20 فیصد دسویں جماعت تک پہنچ پاتے ہیں اور صرف 8 فیصد انٹر کر پاتے ہیں۔ یہ حالات کسی بھی قوم کے مستقبل کے لیے خطرے کی گھنٹی ہیں۔

ایاز لطیف پلیجو نے کہا کہ طلبہ آنے والی نسلوں کے لیے جدوجہد کر رہے ہیں۔ لاکھوں کروڑوں نوجوانوں کا میرٹ کا مسئلہ ہے۔ آئی بی اے ٹیسٹ پاس نوجوانوں کو روزگار نہیں مل رہا۔ 5 گریڈ سے 15 گریڈ تک کے نوجوانوں کو مایوس کیا گیا ہے۔ پی ایس ٹی، جے ایس ٹی والے اپنے حق سے محروم ہیں، جونیئر سائنس ٹیچر، میوزک ٹیچر، پولیس کی ویٹنگ لسٹ والے نوجوان روزگار سے محروم ہیں۔

ایاز لطیف پلیجو نے کہا کہ ہمارے ملک کے وسائل، گیس، کوئلہ، تیل، بندرگاہیں اور معدنیات سندھ پیدا کرتا ہے، لیکن مقامی لوگ سہولیات اور روزگار سے محروم ہیں۔ یہ ناانصافی اب مزید برداشت نہیں کی جائے گی۔ پانی کی قلت، کرپشن اور اداروں کی کمزوری کے ساتھ، سندھ کو تقسیم کرنے کی ہر سازش کا پرامن، عوامی اور آئینی جواب دیا جائے گا۔

ایاز لطیف پلیجو نے کہا کہ سندھ ایک ہے اور ہمیشہ ایک رہے گا۔ ہم صحت اور تعلیم کے شعبوں میں اہلیت اور میرٹ کو ترجیح دینے کا مطالبہ کرتے ہیں۔ سیاست کو خاندانوں کی جاگیر نہیں بلکہ عوام کی امانت سمجھا جائے۔ ہم سب مل کر ایک ایسے سندھ کے لیے کھڑے ہیں جہاں ہر بچے کو اسکول اور ہر نوجوان کو روزگار ملے، جہاں میرٹ، شفافیت اور انصاف صرف نعرے نہیں بلکہ عملی حقیقت بنیں۔ یہ ہمارا عزم ہے، یہ سندھ کی آواز ہے۔

ایاز لطیف پلیجو نے کہا کہ سندھ میں شہری اور دیہی آبادی کے درمیان بڑھتا ہوا خلا صرف ترقی کا نہیں بلکہ انصاف، وسائل کی منصفانہ تقسیم اور سرکاری پالیسیوں کا مسئلہ ہے۔ شہری اور دیہی سندھ کے رہائشی ایک دوسرے کے حریف نہیں بلکہ ایک وحدت کے لازم و ملزوم حصے ہیں۔

ایاز لطیف پلیجو نے مطالبہ کیا کہ سندھ کے تمام علاقوں کے نوجوانوں کو بغیر امتیاز کے یکساں مواقع دیے جائیں، سرکاری نوکریوں اور اداروں میں میرٹ، شفافیت اور آئینی اصولوں کو یقینی بنایا جائے۔ سندھ کی قومی یگانگت اور وحدت کو نقصان پہنچانے والے کسی بھی قدم سے گریز کیا جائے۔ سندھ کی سرزمین کسی بھی تفریق کو قبول نہیں کرے گی۔

ایاز لطیف پلیجو نے کہا کہ ہم کرپشن، نااہلی اور سندھ کی تقسیم کے منصوبوں کے سامنے دیوار بن کر کھڑے رہیں گے۔ سندھ ایک ہے اور ایک ہی رہے گا۔ یہ ہمارے ایمان اور سیاسی عزم کا مرکز ہے۔

ایاز لطیف پلیجو نے کہا کہ ہم نے قومی جدوجہد کے درخت لگائے ہیں۔ جزائر پر قبضے کے وقت ہم نے جدوجہد کا آغاز کیا، پھر ہزاروں لوگ سڑکوں پر آئے۔ کینالز کے خلاف ہم نے ساری سندھ میں چل کر کروڑوں سندھیوں کو اٹھا کر کھڑا کیا۔ محسن نقوی نے صوبوں کی بات کی تو ہم نے اسی دن سٹی گیٹ حیدرآباد سے پیدل مارچ کر کے کہا کہ سندھ کو ٹوٹنے نہیں دیں گے، آج ساری سندھ سڑکوں پر ہے۔

ایاز لطیف پلیجو نے کہا کہ پہلے ایک شخص نے کہا تھا کہ جین زی سندھ کے ایشوز سے لاتعلق ہے۔ سندھ کے لوگ ٹوئٹر، انسٹاگرام سے غائب ہیں۔ اب وہی شخص کہتا ہے کہ نوجوانوں نے میرے ایک اردو جملے کو اٹھا کر دنیا ہلا دی ہے۔ سوشل میڈیا کی دنیا میں آگ لگا دی ہے۔

ایاز لطیف پلیجو نے کہا کہ ایک ایس پی نے بتایا کہ میں ہر امتحان میں میرٹ پر آیا ہوں لیکن پبلک سروس کمیشن نے ہر امتحان میں فیل کر دیا۔ پبلک سروس کمیشن ایک بادشاہی ادارہ ہے۔ جن کے لیے اوپر سے حکم آتے ہیں، انہیں پاس کیا جاتا ہے۔

ایاز لطیف پلیجو نے کہا کہ جنہیں کام کرنا ہے، قرارداد پاس کرنی ہے، قانون سازی کرنی ہے، وہ بھی ہمارے ساتھ "مرسوں مرسوں” کے نعرے لگا رہے ہیں۔ ہم کہتے ہیں نوکریاں دو تو کہتے ہیں جیئے بھٹو۔ ہم کہتے ہیں سندھ کو توڑنے کی سازشیں بند کرو تو کہتے ہیں مرسوں مرسوں سندھ نہ ڈیسوں۔ وہ ہر مسئلے پر شاعری کر رہے ہیں۔ آپ کے پاس اختیارات ہیں، جیئے بھٹو اور مرسوں مرسوں سے روزگار اور اختیارات نہیں ملیں گے۔ اگر آپ کو سندھ کی یگانگت پر یقین ہے تو حکومتی بینچوں سے اٹھ کر اپوزیشن بینچوں پر کیوں نہیں چلے جاتے؟

ایاز لطیف پلیجو نے کہا کہ عدلیہ طلبہ کے احتجاج کا نوٹس کیوں نہیں لیتی۔ وفاق اور اہلِ اقتدار سے گزارش ہے کہ ہم پرامن ہیں۔ آپ توڑنا چاہتے ہیں، ہم جوڑنا چاہتے ہیں۔ آپ کانٹے پھینکتے ہیں، ہم پھول پیش کر رہے ہیں۔ مہربانی کر کے سندھ کے لوگوں کو دیوار سے نہ لگائیں۔ آپ ساری دنیا سے ٹیکنالوجی لے آتے ہیں، دنیا میں جمہوریت، آئین، انصاف، انسانی حقوق ہیں، وہ کیوں نہیں لے آتے۔ 73 کے آئین میں خامیاں ہیں، اسے درست کریں لیکن آپ کو سندھ کی گیس، تیل، کوئلہ، سمندر، دریا، زمینیں چاہییں۔ اب آپ سندھ کی گردن کاٹنا چاہتے ہیں۔ کراچی سندھ کی گردن ہے، ہم آپ کو سندھ کی گردن کاٹنے نہیں دیں گے۔ کراچی ہماری آکسیجن ہے، سانس ہے، دل ہے، دماغ ہے۔ ہم اپنی سانس کے لیے آخری گھڑی تک ڈٹ کر مقابلہ کریں گے۔

ایاز لطیف پلیجو نے کہا کہ ایم کیو ایم کے پاس میئرشپ تھی، وزارتیں تھیں، حکومتیں تھیں۔ سنی تحریک، ایم کیو ایم حقیقی اور دوسروں کے کارکنان قتل کیے۔ آپ بزدل ہیں۔ تھوڑا ایکشن ہوتا ہے تو باہر بھاگ جاتے ہیں۔ دوسروں کے ہاتھوں استعمال ہونا بند کریں۔ سندھی اور اردو بولنے والوں سمیت سندھ میں مستقل رہنے والے ہمارے بھائی ہیں۔ یہ جو چند دہشتگرد گھوم رہے ہیں، حکومت انہیں گرفتار کر کے اندر کرے۔ یہ بدنصیب لوگ ہیں۔ میں ان سے کہتا ہوں باز آ جاؤ۔ ان کے مقابلے میں عام اردو بولنے والے بہادر اور غیرتمند ہیں۔ وہ ہمارے بھائی ہیں اور سندھ کا حصہ ہیں۔

ایاز لطیف پلیجو نے کہا کہ آئین میں ہر کسی کو اپنے احتجاج اور اظہار کا اختیار ہے۔ پرامن کارکنوں کو گرفتار کرنا جرم ہے، انہیں رہا کیا جائے۔

1905 میں ناروے میں قائم یارا انٹرنیشنل آج دنیا کے 140 سے زائد ممالک میں فصلوں کی غذائیت، پودوں کی نشوونما اور پائیدار زراعت کے لیے جدید اور سائنسی بنیادوں پر حل فراہم کر رہی ہے۔

یہ شراکت داری ایف ایف سی کے 48 سالہ اعتماد ، وسیع ملک گیر مارکیٹنگ نیٹ ورک اور پاکستانی زراعت کے بارے میں گھریلو تجربے کو یارا کی 120 سال سے زیادہ کی عالمی تحقیق ، فصلوں کی غذائیت کی مہارت ، زرعی تکنیکی علم اور جدید ٹیکنالوجی کے ساتھ لاتی ہے ، جس کا مقصد پاکستان کے کسانوں تک عالمی معیار کی حیاتیاتی اور خصوصی پلانٹ غذائیت کی مصنوعات پہنچانا ہے۔

اس اسٹریٹجک تعاون کے تحت سونا اور یارا برانڈز نے مشترکہ طور پر پاکستان میں اعلی معیار کی حیاتیاتی اور اسپیشلٹی پلانٹ نیوٹریشن مصنوعات کا ایک پریمیم پورٹ فولیو متعارف کرایا ہے، جس میں YaraAmplix OptiTracTM️، YaraVita Crop BoostTM️، YaraVita BortracTM️، YaraVita FrutrelTM️، YaraVita SolatrelTM️ اور انتہائی قابل حل کھاد YaraLiva TropiCoatTM️ شامل ہیں۔

ان جدید مصنوعات کی باضابطہ رونمائی کی تقریب سونا ٹاور ، ایف ایف سی ہیڈ آفس ، راولپنڈی میں ایف ایف سی اور یارا انٹرنیشنل کی اعلی قیادت کی موجودگی میں منعقد کی گئی۔

تقریب سے خطاب کرتے ہوئے ایف ایف سی کے چیف کمرشل آفیسر محمد علی جنجوعہ نے کہا کہ یہ تاریخی شراکت داری ایف ایف سی کے منیجنگ ڈائریکٹر اور چیف ایگزیکٹو آفیسر جہانگیر پراچہ اور یارا کے چیف ایگزیکٹو آفیسر سوین تورہ ہولسیتر کی دور اندیش قیادت کا نتیجہ ہے۔

انہوں نے کہا کہ ایف ایف سی جدید زرعی ٹیکنالوجی اور موثر فصلوں کی غذائیت کے فروغ میں ہمیشہ پیش پیش رہا ہے تاکہ کسان کم لاگت سے زیادہ پیداوار اور بہتر آمدنی حاصل کرسکیں۔ یارا انٹرنیشنل کے ساتھ یہ تعاون پاکستان میں عالمی معیار کے فصلوں کے غذائیت کے حل متعارف کرانے کی جانب ایک اہم قدم ہے۔

انہوں نے مزید کہا کہ ملک میں تیزی سے بڑھتی ہوئی آبادی، موسمیاتی تبدیلی اور ماحولیاتی دباؤ زرعی پیداوار اور قومی غذائی تحفظ کے لیے بڑے چیلنجز بن چکے ہیں۔ ان حالات کو مدنظر رکھتے ہوئے ، ایف ایف سی اور یارا انٹرنیشنل نے پاکستان کی زرعی حالت ، مختلف فصلوں ، موسمی ضروریات اور زمینی خصوصیات کا تفصیلی جائزہ لینے کے بعد اعلی معیار کی خصوصی کھادیں اور بائیو اسٹیملینٹس متعارف کروائے ہیں ، جو غذائی اجزاء کی موثر فراہمی ، پتیوں کے ذریعے بہتر جذب اور فصلوں کی حساس نشوونما کے دوران بہترین نتائج فراہم کرتے ہیں۔

انہوں نے کہا کہ ان مصنوعات کو نیکسجن نیوٹریٹس کے برانڈ کے تحت ایف ایف سی کے ملک گیر مارکیٹنگ اور زرعی مشاورت کے نیٹ ورک کے ذریعے پورے ملک میں دستیاب کیا جائے گا تاکہ ہر کسان جدید عالمی زرعی ٹیکنالوجی سے فائدہ اٹھا سکے۔

اس موقع پر یارا افریقہ اینڈ ایشیا کے سینئر نائب صدر الیگزینڈر میسیڈو نے کہا کہ اس شراکت داری کی بنیاد عالمی فرٹیلائزر کانفرنس کے دوران دونوں اداروں کی اعلیٰ قیادت کی ملاقاتوں پر رکھی گئی ہے۔

انہوں نے کہا کہ پاکستان میں سائنسی بنیادوں پر موسمی غذائیت اور پائیدار زراعت کے ذریعے زرعی پیداوار میں نمایاں اضافے کے وسیع امکانات موجود ہیں۔ یارا اور ایف ایف سی کی مشترکہ کوششوں سے عالمی مہارت کو مقامی تجربے سے ہم آہنگ کرکے کسانوں تک جدید زرعی حل پہنچائے جائیں گے جس سے پیداوار، منافع، وسائل کے موثر استعمال اور قومی غذائی تحفظ میں نمایاں بہتری آئے گی۔

انہوں نے یقین ظاہر کیا کہ یہ اسٹریٹجک شراکت داری پاکستان کی زرعی ترقی، کسانوں کی خوشحالی اور ماحول دوست، پائیدار زرعی مستقبل کی تعمیر میں ایک اہم سنگ میل ثابت ہوگی۔

پی اے اے کا کہنا ہے کہ کراچی سمیت سندھ میں 29 مارچ تک گرج چمک کے ساتھ بارش کی پیشگوئی ہے جس کے پیش نظر جناح انٹرنیشنل ایئرپورٹ پر تمام متعلقہ حکام اور آپریشنل اسٹاف الرٹ رہیں۔

پی اے اے نے بڑے حادثے سے بچنے کے لیے رن وے فریکشن چیک کرنے اور نکاسی آب کے راستے صاف رکھنے کی ہدایت کی ہے۔

پاکستان ایئرپورٹس اتھارٹی نے پرندوں اور کیڑے مکوڑوں سے نمٹنے کے لیے برڈ شوٹرز کی تعیناتی اور فیومیگیشن کی ہدایت کی ہے۔

واضح رہے کہ اس سے قبل محکمہ موسمیات نے سندھ میں بارش برسانے والے نئے سسٹم کے حوالے سے الرٹ جاری کیا تھا، جس کے مطابق 29 مارچ تک صوبے کے مختلف علاقوں میں بارشوں کا سلسلہ جاری رہنے کا امکان ہے۔

محکمہ موسمیات کا کہنا تھا کہ کراچی سمیت سندھ کے کئی شہروں میں وقفے وقفے سے بارش کی پیشگوئی کی گئی ہے۔ کراچی میں آج بھی کہیں کہیں ہلکی بارش اور بوندا باندی متوقع ہے، جبکہ بعض مقامات پر گرج چمک اور تیز ہوائیں چلنے کے امکانات بھی موجود ہیں۔

محکمہ موسمیات کا کہنا تھا کہ 27 مارچ کو موسم میں عارضی وقفہ آئے گا، تاہم 28 اور 29 مارچ کو دوبارہ بارشوں کا امکان ہے۔شہر کا درجہ حرارت 32 ڈگری سینٹی گریڈ تک ریکارڈ کیا جائے گا۔اس وقت ہوا میں نمی کا تناسب 79 فیصد ہے اور 11 کلومیٹر فی گھنٹہ کی رفتار سے ہوائیں چل رہی ہیں۔

کراچی: سینئر فائر آفیسر ظفر خان کا کہنا ہے کہ گل پلازہ سانحے کے بعد ملبے سے لاشیں نہیں صرف ہڈیاں مل رہی ہیں۔

ظفر خان نے میڈیا سے گفتگو میں کہا کہ گل پلازہ کے تہ خانے میں ایک بار پھر آگ بھڑک اٹھی جسے بجھا دیا گیا ہے۔

انہوں نے کہا کہ عمارت کی چھت سے ڈیزل ٹینک نہیں اتارا گیا تھا، ڈیزل ٹینک اتارنے کے دوران اس میں آگ لگی جسے بھجادیا گیا۔

ظفر خان نے کہا کہ عمارت کا اسٹرکچر کمزور ہوگیا ہے،اب صرف سرچنگ کا عمل رہ گیا ہے۔

ڈپٹی کمشنرساؤتھ جاوید نبی کھوسو نے گل پلازہ کے باہر میڈیا سے گفتگو میں کہا کہ سرچ آپریشن آخری مراحل میں ہے۔

ان کا کہنا تھا کہ آپریشن آج مکمل ہوجائےگا، ایس بی سی اے کی نگرانی میں کام ہورہا ہے، کوشش ہے کہ جلد از جلد اسے مکمل کرلیں

پولیس کے مطابق متاثرہ خاتون گھریلو صفائی کا کام کرتی ہے۔ اس نے بتایا کہ تین افراد نے اسے اس وقت اغوا کیا جب وہ گھر میں کام کر رہی تھی، اسے کار میں ایک ویران علاقے میں لے گئے، اور اس کے ساتھ جنسی زیادتی کی۔ اس نے ایک ملزم کی شناخت سردار شہائی کے نام سے کی اور کہا کہ اسے ہتھیاروں کے زور پر جسمانی تشدد کا نشانہ بھی بنایا گیا۔

متاثرہ کو طبی معائنے کے لیے ہسپتال منتقل کر دیا گیا۔ پولیس کا کہنا ہے کہ گرفتار ملزم کو تفتیشی حکام کے حوالے کر دیا گیا ہے، جبکہ باقی ساتھیوں کی گرفتاری کے لیے کوششیں جاری ہیں۔

انسپکٹر جنرل (آئی جی) سندھ جاوید عالم اوڈھو نے واقعے کا نوٹس لیتے ہوئے ایف آئی آر کے اندراج میں تاخیر پر گلشن معمار کے ایس ایچ او کو معطل اور تنزلی کا حکم دیا ہے۔ آئی جی نے ایس ایس پی ویسٹ کو تفصیلی رپورٹ پیش کرنے اور ملوث تمام ملزمان کی فوری گرفتاری کو یقینی بنانے کی ہدایت کی۔

متاثرہ خاندان نے پی پی پی رہنما شاہدہ رحمانی سے رابطہ کیا، جنہوں نے وزیر داخلہ سندھ ضیاء الحسن لنجار، فریال تالپور اور ڈی آئی جی سے پولیس کی مبینہ غفلت کو اجاگر کرنے اور فوری کارروائی کا مطالبہ کیا۔

حضرت لعل شہباز قلندرؒ صوفیانہ فکر، عشقِ الٰہی اور انسان دوستی کی علامت ہیں، وزیراعلیٰ سندھ

حضرت لعل شہباز قلندرؒ برصغیر کے عظیم صوفی بزرگ اور انسانیت کے علمبردار تھے،سید مراد علی شاہ

حضرت لعل شہباز قلندرؒ کا پیغام محبت، امن اور رواداری ہم سب کے لیے مشعلِ راہ ہے، وزیراعلیٰ سندھ

لعل شہباز قلندرؒ کی تعلیمات اتحاد، بھائی چارے اور انسانیت کا درس دیتی ہیں، سید مراد علی شاہ

حضرت لعل شہباز قلندرؒ علم، عرفان اور روحانیت کا روشن مینار تھے، وزیراعلیٰ سندھ

لعل شہباز قلندرؒ نے اپنے کردار سے ظلم، نفرت اور تعصب کے خلاف آواز بلند کی، مراد علی شاہ

وزیراعلیٰ سندھ مراد علی شاہ نے ولادت لعل شہباز قلندرؒ کے موقع پر سندھ میں امن، ترقی اور خوشحالی کے لیے دعا

حضرت لعل شہباز قلندرؒ کا فیض آج بھی دلوں کو جوڑ رہا ہے، وزیراعلیٰ سندھ

سندھ اولیاء کی دھرتی ہے جہاں انسانیت سب سے بڑی عبادت ہے، سید مراد علی شاہ

لعل شہباز قلندرؒ بلا تفریق مذہب و نسل انسانیت سے محبت کا درس دیتے تھے، وزیراعلیٰ سندھ

سندھ دھرتی میں امن، محبت اور رواداری صدیوں سے زندہ ہیں، وزیراعلیٰ مراد علی شاہ

سندھ کی تاریخ اولیاء کرام کے پیغام امن اور باہمی احترام کی امین ہے، سید مراد علی شاہ

سندھ ہمیشہ مختلف مذاہب اور ثقافتوں کے درمیان ہم آہنگی کی علامت رہا ہے، وزیراعلیٰ مراد علی شاہ

حضرت لعل شہباز قلندرؒ کا پیغام سندھ کی روح، ثقافت اور شناخت کا لازمی حصہ ہے، سید مراد علی شاہ

حضرت لعل شہباز قلندرؒ کی درگاہ آج بھی امن، امید اور محبت کا مرکز ہے، وزیراعلیٰ سندھ