کاؤنٹر ٹیررازم ڈپارٹمنٹ (سی ٹی ڈی) نے کوئٹہ میں کارروائی کرتے ہوئے 8 دہشت گردوں کو ہلاک کر دیا۔

ترجمان سی ٹی ڈی کے مطابق کوئٹہ کے علاقے درخشاں میں کارروائی کی گئی، فائرنگ کے تبادلے میں 8 دہشت گرد ہلاک ہوئے۔

سی ٹی ڈی کے ترجمان نے بتایا کہ دہشت گردوں کے ساتھ فائرنگ کے تبادلے میں 3 اہلکار زخمی بھی ہوئے۔

ترجمان سی ٹی ڈی کا کہنا ہے کہ ہلاک دہشت گردوں سے اسلحہ و گولہ بارود برآمد ہوا، دہشت گردوں کا تعلق کالعدم تنظیم سے بتایا جارہا ہے،تاہم اس حوالے سے تحقیقات کی جا رہی ہیں۔

دوران سماعت انہوں نے بتایا کہ بانی پی ٹی آئی عمران خان نے جیل میں طبی سہولیات پر عدم اطمینان کے ساتھ ساتھ خصوصاً اپنی آنکھوں کے مسئلے پر شدید تشویش کا اظہار کرتے ہوئے ماہر ڈاکٹروں تک فوری رسائی کا مطالبہ کیا ہے۔

دھندلا دکھائی دینا

فرینڈ آف دی کورٹ کی رپورٹ کے مطابق عمران خان نے بتایا کہ وہ گزشتہ دو سال چار ماہ سے قید ہیں ۔ اکتوبر 2025 تک ان کی نظر 6/6 تھی، تاہم بعد ازاں انہیں دھندلا دکھائی دینا شروع ہوا جو وقت کے ساتھ بڑھتا گیا۔

رپورٹ میں کہا گیا ہے کہ عمران خان کی دائیں آنکھ کی بینائی پہلے متاثر ہوئی اور پھر کمزور ہونا شروع ہوگئی۔ انہیں بلڈ کلاٹ ہونے کے بارے میں بتایا گیا ہے، جس کے باعث وہ خاصے پریشان دکھائی دیے۔ ملاقات کے دوران ان کی آنکھوں سے مسلسل پانی نکلتا رہا جسے وہ ٹشو پیپر سے صاف کرتے رہے، جس سے وہ غیر آرام دہ محسوس کر رہے تھے۔

سیکیورٹی اور خوراک پر اطمینان

فرینڈ آف دی کورٹ کی رپورٹ میں مزید کہا گیا کہ اگرچہ بانی پی ٹی آئی نے جیل میں سیکیورٹی اور فراہم کردہ خوراک پر اطمینان کا اظہار کیا، تاہم طبی سہولیات کو غیر تسلی بخش قرار دیا۔ انہوں نے مطالبہ کیا کہ ان کا معائنہ ان کے ذاتی معالجین ڈاکٹر فیصل سلطان اور ڈاکٹر عاصم یوسف سے کرایا جائے یا کم از کم کسی ماہر آنکھوں کے ڈاکٹر سے فوری چیک اپ کروایا جائے۔

رپورٹ میں جیل کے سیل میں مچھروں اور کیڑوں کی موجودگی کی نشاندہی کرتے ہوئے فوری اور مؤثر اقدامات کی سفارش کی گئی ہے۔ ساتھ ہی خوراک کو محفوظ رکھنے کے لیے ایک ریفریجریٹر فراہم کرنے کی تجویز بھی دی گئی ہے، جسے بنیادی انسانی ضرورت قرار دیا گیا۔

مزید برآں قید تنہائی اور ٹی وی تک رسائی نہ ہونے کے باعث کتابوں کی فراہمی کی سفارش بھی رپورٹ کا حصہ ہے۔

رپورٹ میں مزید بتایا گیا کہ ملاقات کے دوران بانی پی ٹی آئی نے کہا کہ ان کی عمر ایسی ہے جہاں باقاعدگی کے ساتھ ان کے بلڈ ٹیسٹ ہونے چاہییں۔ بانی پی ٹی آئی نے بتایا کہ 3 ماہ تک ان کا علاج محض آنکھوں کے قطروں کے ذریعے کیا جاتا رہا۔ اس علاج سے انہیں کوئی فائدہ نہیں ہوا۔

بانی پی ٹی آئی ایک گھنٹہ قرآن پڑھتے ہیں

بانی پی ٹی آئی نے بتایا وہ ناشتہ 9.45 پر کرتے ہیں، ایک گھنٹے تک قرآن پڑھتے ہیں۔ انہیں جسمانی ایکسرسائز کے لیے محدود آلات دستیاب ہیں۔ انہیں ایکسرسائز مشین، 9 کلو گرام کے پتھر دستیاب ہیں۔

عمران خان نے بتایا کہ شام ساڑھے 5 سے لے کر 10 بجے تک بانی پی ٹی آئی سیل میں ہی رہتے ہیں۔ بانی پی ٹی آئی کو ناشتے میں ایک کپ کافی، دلیہ اور کچھ کھجوریں ملتی ہیں۔ بانی پی ٹی آئی کو پورے ہفتے میں کھانے کے لیے مینیو خود چننے کا اختیار ہے۔ کھانا بانی پی ٹی آئی ذاتی خرچ پر کھاتے ہیں۔ بانی پی ٹی آئی کو ہفتے میں 2 دن چکن، 2 دن گوشت، 2 دن دال یا چاٹ /سینڈوچ ملتے ہیں۔ بانی پی ٹی آئی کو جیل میں نیسلے کا بوتل پانی ملتا ہے۔

رپورٹ میں مزید بتایا گیا کہ بانی پی ٹی آئی نے بتایا کہ وہ رات کو مکمل کھانا نہیں کھاتے، پھل کھاتے ہیں، دودھ پیتے ہیں اور کھجوریں کھاتے ہیں۔ بانی پی ٹی آئی نے بتایا ان کے سیل میں ہوا اور روشنی کی مناسب انتظام موجود ہے۔ بانی پی ٹی آئی نے بتایا انہیں سیل کے اندر چھری، کانٹے اور برتن رکھنے کی اجازت نہیں ہے۔

مشقتی، ہیٹر اور روم کولر دستیاب

فرینڈ آف دی کورٹ نے اپنی رپورٹ میں عدالت کو مزید بتایا کہ بانی پی ٹی آئی کو جیل میں کپڑے دھونے اور صفائی کے لیے مشقتی دستیاب ہے، جس کے ذمے واش روم اور سیل کی صفائی بھی ہے۔ بانی پی ٹی آئی نے سیل میں صفائی ستھرائی کے انتظام پر اطمنان کا اظہار کیا۔ سردی کے موسم میں بانی پی ٹی آئی کو چھوٹے سائز کا ہیٹر اور بلور دستیاب ہے۔ بانی پی ٹی آئی کو جیل سیل میں ہر وقت گرم پانی دستیاب ہے۔

رپورٹ کے مطابق بانی پی ٹی آئی نے بتایا کہ گرمیوں کے مہینوں میں شدید گرمی اور حبس کے علاوہ مچھر اور کیڑے ہوتے ہیں۔ بانی پی ٹی کو گرمی کی شدت سے بچنے کے لیے روم کولر بھی دستیاب ہے۔ بانی پی ٹی آئی نے بتایا کہ انہیں گرمی کے مہینوں میں 2 سے 3 مرتبہ فوڈ پوائزننگ ہو چکا ہے۔ ان کے سیل میں تقریبا 10 کیمرے نصب ہیں۔

کراچی: سینئر فائر آفیسر ظفر خان کا کہنا ہے کہ گل پلازہ سانحے کے بعد ملبے سے لاشیں نہیں صرف ہڈیاں مل رہی ہیں۔

ظفر خان نے میڈیا سے گفتگو میں کہا کہ گل پلازہ کے تہ خانے میں ایک بار پھر آگ بھڑک اٹھی جسے بجھا دیا گیا ہے۔

انہوں نے کہا کہ عمارت کی چھت سے ڈیزل ٹینک نہیں اتارا گیا تھا، ڈیزل ٹینک اتارنے کے دوران اس میں آگ لگی جسے بھجادیا گیا۔

ظفر خان نے کہا کہ عمارت کا اسٹرکچر کمزور ہوگیا ہے،اب صرف سرچنگ کا عمل رہ گیا ہے۔

ڈپٹی کمشنرساؤتھ جاوید نبی کھوسو نے گل پلازہ کے باہر میڈیا سے گفتگو میں کہا کہ سرچ آپریشن آخری مراحل میں ہے۔

ان کا کہنا تھا کہ آپریشن آج مکمل ہوجائےگا، ایس بی سی اے کی نگرانی میں کام ہورہا ہے، کوشش ہے کہ جلد از جلد اسے مکمل کرلیں

ڈی آئی جی ساؤتھ اسد رضا کے مطابق اب تک جاں بحق افراد میں ایک خاتون شامل ہے جبکہ دیگر تمام مرد ہیں۔ انہوں نے بتایا کہ آپریشن کے دوران لاشیں ملنے کا سلسلہ جاری ہے، جبکہ ناقابلِ شناخت لاشوں کو امانتاً ایدھی سرد خانے منتقل کر دیا گیا ہے۔

چیف فائر آفیسر ہمایوں احمد نے میڈیا سے فون پر گفتگو کرتے ہوئے بتایا کہ گل پلازہ میں مرکزی آگ کو مکمل طور پر بجھا دیا گیا ہے اور اس وقت کولنگ کا عمل جاری ہے۔ تاہم اس سے قبل پیر کی صبح تک آگ لگے 36 گھنٹے گزرنے کے باوجود عمارت کے عقبی حصے میں سیکنڈ فلور اور گراؤنڈ فلور پر آگ موجود تھی۔

فائر بریگیڈ حکام کے مطابق گل پلازہ کی عقبی سائیڈ پر فائر فائٹنگ اس وقت روک دی گئی جب آگ بجھانے کے دوران عمارت سے خطرناک آوازیں آنا شروع ہو گئیں۔ حکام کا کہنا ہے کہ عمارت مکمل طور پر خستہ حال ہوچکی ہے اور اس کے گرنے کا شدید خدشہ ہے، اسی لیے اب صرف ملبہ ہٹانے کا کام کیا جا رہا ہے۔

تفصیلات کے مطابق گل پلازہ کے قریب واقع عمارت میں آتشزدگی کے باعث ملبے تلے سے رات گئے ایک شخص کی لاش چھیپا حکام نے نکالی، جس کی شناخت تاحال نہ ہو سکی، جبکہ دوسری لاش ٹکڑوں کی صورت میں برآمد ہوئی جسے ضابطے کی کارروائی کے بعد سول اسپتال منتقل کردیا گیا۔

تفصیلات کے مطابق گل پلازہ میں ہفتے کی رات سوا دس بجے آگ بھڑکی جو تیزی سے پھیلتی چلی گئی۔ فائر بریگیڈ کی متعدد گاڑیاں موقع پر پہنچیں تاہم آگ پر قابو پانا انتہائی مشکل ثابت ہوا، جبکہ آتشزدگی کے باعث عمارت کے دو حصے منہدم ہوگئے۔

ڈی آئی جی ساؤتھ اسد رضا نے بتایا کہ پولیس نے 59 مسنگ افراد کے حوالے سے مختلف افراد سے رابطہ کیا اور تمام کے اہل خانہ سے موبائل نمبرز حاصل کر لیے گئے ہیں۔ ان کے مطابق اب تک 26 افراد کی لوکیشن گل پلازہ کے قریب ملی ہے جبکہ دیگر کی لوکیشن کی اسکرونٹی جاری ہے۔

اسپتال ذرائع کے مطابق دھوئیں سے متاثر ہونے والے افراد کو ابتدائی طبی امداد کے بعد گھروں کو روانہ کردیا گیا، جبکہ دو فائر فائٹرز ارشاد اور بلال زخمی ہوئے جو پی این ایس شفا میں زیر علاج ہیں۔ مجموعی طور پر 30 افراد زخمی ہوئے، جن میں سے 13 برنس سینٹر، 15 ٹراما سینٹر اور 2 جناح اسپتال منتقل کیے گئے۔

* پنجاب کے ہسپتالوں ، کالجز اور یونیورسٹیز سے تمام صوبوں کے لوگ مستفید ہو رہے ہیں – ہم نے کبھی سندھی ، پنجابی ، بلوچی ، کشمیری ، گلگتی یا پختون کا فرق ذہن نہیں رکھا – الحمد للّٰہ ، ہم سب پاکستانی ہیں –

* شہباز شریف نے لاہور میں پہلا سیف سٹی بنایا تھا – اور اب ، الحمد للّٰہ ، پورے پنجاب کو سیف سٹی بنا دیا گیا ہے –

* پی ایم ایل این کے دور میں عوام کا پیسہ عوام پر ہی لگایا جاتا ہے – موجودہ منتخب پنجاب حکومت بھی اسی اصول پر کار بند ہے – اور پنجاب میں دوسرے صوبوں سے یہی فرق ہے – موجودہ وقت میں گڈ گورنس سے بہتر کوئی سیاست نہیں ہو سکتی –

* ماضی میں ہر اسانی ، ریپ اور قتل کے واقعات مسلسل ہو رہے تھے ۔ لیکن الحمد للّٰہ ، اب پنجاب میں جرائم کی شرح 100 سے کم ہو کر 30 فی صد پر آ چکی ہے۔

* الحمد للّٰہ ، موجودہ پی ایم ایل این پنجاب حکومت کے تحت بے گھر خاندانوں کو 25 ہزار گھر بنا کر یئے جا چکے ہیں – ان شاء اللّٰہ ، ہم 5 سال میں 5 لاکھ گھروں کا ہدف پورا کریں گے ۔ اللّٰہ تعالیٰ نے وسائل عطا کیے کہ عوام کے مسائل حل کر سکیں ۔

* حلفاً کہہ سکتی ہوں کوئی بھی افسر سفارش پر نہیں لگایا ۔ وی سی ، سیکرٹری ، ڈی سی ، کمشنرز کی سلیکشن پینل انٹرویوز کے بعد کی جاتی ہے۔

وزیر اعلیٰ پنجاب محترمہ مریم نواز شریف کا نیشنل ورکشاپ بلوچستان کے طلبہ سے خطاب –

ان کا کہنا تھا سارے سانحے پر حکومت سندھ کے رد عمل کو دیکھنا تھا، ترجمان سندھ حکومت کی جانب سے چھوٹی چھوٹی چیزوں پر ردعمل دیا جاتا ہے لیکن اس پر کوئی رد عمل نہیں آیا، رنگے ہاتھوں گرفتار ملزمان کے حوالے سے عدالت کا رویہ بھی دیکھا، جن گرفتار ملزمان کو عدالت میں پیش کیا گیا تو عدالت نے خود ان کا مقدمہ لڑا، انہیں وکیل کی ضرورت ہی نہیں رہی، گرفتار اکثریت کو چھوڑ دیا گیا۔

دوران سماعت درخواست گزارکے وکیل نے عدالت سے استدعا کی کہ کراچی میں بھی مقدمہ ہے لہٰذا 15 روز کی راہداری ضمانت دی جائے۔

وکیل درخواست گزار کے مؤقف پر جسٹس انعام منہاس نے کہا کہ 10 دن کی حفاظتی ضمانت دے رہے ہیں، متعلقہ عدالت سے رجوع کرلیں۔

بعد ازاں اسلام آباد ہائیکورٹ نے دونوں کو 10 دن میں متعلقہ عدالت سے رجوع کرنے کا حکم جاری کرتے ہوئے راہداری ضمانت منظور کرلی۔

ملزمان کے خلاف گیمبلنگ ایپ کی تشہیر پر سائبر کرائم کی دفعات کے تحت مقدمات درج ہیں، اسلام آباد ہائیکورٹ نےگزشتہ روزپاکستان پہنچنے پر رجب بٹ کو ائیرپورٹ سے گرفتار نہ کرنے کا حکم دیا تھا۔

گزشتہ روز برطانیہ کی جانب سے ملک بدر کیے جانے کے بعد پاکستانی یوٹیوبر پاکستان پہنچ چکے ہیں ، رجب بٹ کو ویزا منسوخی کی بنا پر برطانیہ سے ملک بدر کیا گیا۔

مواد کے تخلیق کار قانونی پریشانی کے لیے اجنبی نہیں ہیں۔ اس سال ستمبر میں، بٹ کے خلاف نیشنل سائبر کرائم انویسٹی گیشن ایجنسی (این سی سی آئی اے) نے سوشل میڈیا پر آن لائن گیمنگ ایپس کو مبینہ طور پر فروغ دینے کے الزام میں مقدمہ درج کیا تھا۔

ندیم کے خلاف NCCIA نے اپنے سوشل میڈیا پر جوئے کی ایپس کی تشہیر کے الزام میں مقدمہ بھی درج کیا تھا، لیکن اسے ستمبر میں اپنی گاڑی پر جعلی رجسٹریشن نمبر – IK-804 ظاہر کرنے پر بھی گرفتار کیا گیا تھا۔ پوچھ گچھ پر، وہ جعلی رجسٹریشن نمبر، IK-804 ظاہر کرنے کے حوالے سے پولیس کو مطمئن نہیں کرسکا، جس کے بارے میں کہا جاتا ہے کہ یہ قیدی نمبر پی ٹی آئی کے بانی عمران خان

علی پرویز ملک نے یہ بات قومی اسمبلی اجلاس میں توجہ دلاؤ نوٹس پر بتائی۔

وفاقی وزیر برائے پیٹرولیم کا کہنا تھا کہ رواں سال پچھلے سال کی نسبت گیس لوڈ شیڈنگ میں واضح کمی آئی ہے تاہم جہاں بھی گیس پریشر کا مسئلہ ہے، نشاندہی کریں، معاملہ حل کیا جائے گا۔

انہوں نے کہا کہ نومبر میں 80 سے 90 ہزار شکایات موصول ہوئیں جن میں سے 70 سے 80 فیصد اوگرا کے حوالہ سے تھیں، ان شکایات کو ہم نے 36 گھنٹوں کے اندر حل کر دیا تھا۔