بالی ووڈ کے اداکار دھرمیندر 89 برس کی عمر میں پیر کو ممبئی میں چل بسے۔ چھ دہائیوں پر محیط فلمی کریئر میں انہوں نے کئی مشہور فلموں میں اپنے فن کے جوہر دکھائے۔ وہ اپنے پیچھے ایک ایسا خلا چھوڑ گئے ہیں، جو شاید ہی پر ہو سکے۔
بھارتی خبر رساں ایجنسی آئی اے این ایس کی خبر کے مطابق پیر کے روز اداکاردھرمیندر 89 سال کی عمر میں ممبئی میں اپنے گھر پر چل بسے۔ معروف اداکار کو اس ماہ کے اوائل میں اسپتال میں سانس کی تکلیف کی وجہ سے داخل کرایا گیا تھا اور پھر وہ صحت یاب ہو کرے گھر واپس ہو گئے تھے۔
تاہم اس واقعے کے 12 دن بعد وہ چل بسے۔ اگر زندہ رہتے تو آٹھ دسمبر کو ان کی عمر 90 سال ہو جاتی۔
دھرمیندر کے پسماندگان میں ان کی بیویاں، پرکاش کور اور ہیما مالنی، اور چھ بچے ہیں، جس میں اداکار سنی دیول، بوبی دیول، ایشا دیول، اور آہنا دیول، اجیتا اور وجیتا شامل ہیں۔
