اسلام آباد اسلام آباد فوڈ اتھارٹی نے وفاقی دارالحکومت کے علاقے ترنول میں خفیہ اطلاعات پر کامیاب کارروائی کرتے ہوئے 25 من سے زائد گدھے کا گوشت اور 50 سے زائد زندہ گدھے برآمد کر لیے۔ یہ کارروائی لاہور میں اسی نوعیت کے واقعے کے بعد عمل میں آئی ہے، جس سے واضح ہوتا ہے کہ گدھے کے گوشت کا غیر قانونی کاروبار دیگر شہروں تک بھی پھیل چکا ہے۔
فوڈ اتھارٹی کی ٹیم نے موقع پر موجود ایک غیر ملکی شہری کو گرفتار کر کے پولیس کے حوالے کر دیا۔ حکام کے مطابق، ابتدائی تفتیش سے معلوم ہوا ہے کہ برآمد شدہ گوشت مبینہ طور پر بیرونِ ملک سپلائی کیا جانا تھا۔ تاہم، مقامی مارکیٹ میں گوشت کی ترسیل کے شبہ پر بھی تفتیش جاری ہے۔
ترجمان اسلام آباد فوڈ اتھارٹی کے مطابق، ڈائریکٹر فوڈ اتھارٹی نے موقع پر ہی ملوث افراد کے خلاف مقدمہ درج کرنے کا حکم دیا۔ ٹیم نے فوری طور پر گوشت کو ضائع کرنے کا عمل شروع کر دیا ہے تاکہ یہ کسی صورت بھی شہریوں تک نہ پہنچ سکے۔
ڈپٹی ڈائریکٹر ڈاکٹر طاہرہ صدیق نے بتایا کہ برآمد شدہ گوشت کا مکمل وزن تقریباً 25 من تھا۔ ان کا کہنا تھا:
"ہماری اولین ترجیح شہریوں کو محفوظ اور معیاری غذا کی فراہمی ہے، اور اس مقصد کے لیے فوڈ اتھارٹی دن رات کام کر رہی ہے,
