جنوبی افریقا کے خلاف 3 ملکی سیریز کے اہم میچ کے لیے پاکستان کرکٹ ٹیم کا اعلان کردیا گیا، قومی ٹیم میں 2 تبدیلیاں کی گئی ہیں۔
پاکستان اور جنوبی افریقا کی ٹیمیں سہہ ملکی سیریز کے تیسرے اور اہم میچ کے لئے کل نیشنل اسٹیڈیم کراچی میں مدمقابل ہوں گی جبکہ میچ کے لیے قومی اسکواڈ کا اعلان کر دیا گیا۔
مینجمنٹ کی جانب سے قومی ٹیم میں 2 تبدیلیاں کی گئی ہیں۔ کامران غلام اور حارث رؤف ٹیم سے ڈراپ ہوگئے جبکہ سعود شکیل اور حسنین ٹیم کا حصہ ہوں گے۔
محمد رضوان ٹیم کے کپتان ہوں گے جبکہ فخرزمان، بابراعظم، سعود شکیل، سلمان علی آغا، طیب طاہر، خوشدل شاہ، شاہین شاہ آفریدی، محمد حسنین، نسیم شاہ اور ابرار احمد ٹیم کا حصہ ہوں گے۔
