شوبز انڈسٹری کے سینئر اداکار بہروز سبزواری نے بشریٰ انصاری کو پسندیدہ ساتھی اداکارہ قرار دے دیا۔
اداکار بہروز سبزواری نے حال ہی میں اشنا شاہ کے شو میں شرکت کی اور اس دوران شوبز کریئر سمیت دیگر موضوعات پر اپنی رائے کا اظہار کیا۔
مریم نفیس کی پھو پھو بھی زہریلی نکلیں
انہوں نے کہا کہ بشریٰ انصاری میری پسندیدہ اداکارہ ہیں میرا ان کے ساتھ فیملی کی طرح کا تعلق ہے کیونکہ میں سمجھتا ہوں کہ بہن بھائی کے رشتے خونی ہوتے ہیں لیکن یہ بھی حقیقت ہے کہ دوست آپ کا سب سے قیمتی سرمایہ ہوتا ہے۔
اس سے قبل ایک انٹرویو میں پاکستان کے سینئر اداکار بہروز سبزواری نے انکشاف کیا تھا کہ مرحوم اداکار قاضی واجد بشری انصاری اور جاوید شیخ کی شادی کے خواہشمند تھے اور انہوں نے اس کے لیے بہت کوششیں بھی کی تھیں۔ 8 سے 9 سال پہلے قاضی صاحب نے ان دونوں کا دکھ بانٹنے کی کوشش میں بشریٰ سے کہا تھا کہ یار بشریٰ بات سنو تم جاوید سے شادی کرلو۔
دورانِ شو بشریٰ انصاری نے مزاحیہ انداز میں کہا کہ جاوید شیخ اپنی رنگینیوں میں چل رہے تھے اسی لیے انہوں نے کبھی میرا دکھ بانٹنے کی کوشش نہیں کی۔
اداکارہ کی بات پر بہروز سبزواری بولے کہ میں سنجیدہ ہوں۔
شریٰ انصاری نے بتایا کہ اس وقت میرئ علیحدگی کے متعلق میرے دوستوں کے علاوہ کسی کو معلوم نہیں تھا اس وقت جاوید شیخ بھی اکیلے تھے تو قاضی واجد صاحب نے کہا تم دونوں بہت جچو گے ، تم دونوں شادی کرلو۔
اداکارہ نے کہا کہ ان کی بات سن کر میں اور جاوید شیخ ہنسنے لگے میں نے کہا یہ آپ کیسی باتیں کررہے ہیں، یہ تو ہو ہی نہیں سکتا، تو ساتھ ہی وہ بولے یہ کیا بدتمیزی ہے، میں سنجیدہ بات کررہا ہوں۔
