بالي ووڊ جو نالي وارو اداڪار روي باسواني لاڏاڻو ڪري ويو

ممبئي (ڪلچرل نيوز) ڀارتي فلم انڊسٽري جي مشهور شخصيت اداڪار روي باسواني 64 سالن جي عمر ۾ دل جو دورو پوڻ سبب ڀارتي رياست اتر انچل جي علائقي هلوندي ۾ لاڏاڻو ڪري ويو. کيس دل جو دورو پيو، جنهن زندگي کسي ورتي، ڪيترن ئي فلمن ۾ ڪم ڪيو ۽ سندس فلم ”جاني ڀي دو يارون سي ملين“ يادگار آهي. جنهن ۾ هن مزاحيه ڪردار ادا ڪيو. هن اهو ڪردار بهترين نموني ادا ڪيو. جنهن تي کيس 1984ع ۾ بهترين مزاحيه اداڪار جو ايوارڊ مليو. سندس پهرين فلم ”چشم بدور“ هئي. جيڪا 1981ع ۾ جاري ٿي. سندس ٻين مشهور فلمن ۾ ”اب آئيگا مزا“ مني بلوان، جان تيرا نام ۽ ڪڀي هان ڪڀي نا شامل آهن پر سندس اصل سڃاڻپ فلم ”جاني ڀي دو يارون سي ملين“ هن نصيرالدين شاهه جي پهرين فلم ”يون هوتا تو ڪيا هوتا“ ۾ به اداڪاري جا جوهر ڏيکاريا. فلمن کان سواءِ هن ٽي وي ڊرامن ۾ به ڪم ڪيو. سندس تازين فلمن ۾ نو ٽائمز فار لو، بنٽي ببلي ۽ پيار توني ڪيا شامل آهن.